Ayuntamiento de Tolosa

Definizioa:
Trakzio mekanikoko ibilgailuen zerga ordaintzetik salbuetsita egotea edo onuraduna izatea minusbalitasun maila jakin bat izateagatik.

Non tramitatu:
Udaletxea
Plaza Zarra 6 - UDATE ZERBITZUA
Telf. 943 69 75 00
udate@tolosakoudala.net

Aurkeztu beharreko agiriak:
A.- Minusbaliatuek gidatutako ibilgailuak

• NANaren fotokopia.
• Minusbaliotasun-ziurtagiria, eskumena duen organoak emana.
• Gida-baimenaren fotokopia (bi aldeetatik)
• Minusbaliatuaren izenean dagoen zirkulatzeko baimenaren fotokopia.
  Ibilgailuaren fitxa teknikoaren fotokopia.
  Ibilgailuaren aseguru-polizaren fotokopia. Gidatu ohi duenak azaldu behar du polizan.
• Zinpeko aitorpena, ibilgailua berak erabiltzeko baino ez dela dioena.

B.- Minusbaliatuak garraiatzeko ibilgailuak

• Minusbaliatuaren eta gidatu ohi duenaren NANen fotokopiak.
• Minusbaliotasun-ziurtagiria, eskumena duen organoak emana.
• Minusbaliatuaren izenean dagoen zirkulatzeko baimena.
• Ibilgailuaren aseguru-polizaren fotokopia. Gidatu ohi duenak agertu behar du polizan.
• Ibilgailuaren fitxa teknikoaren fotokopia.
• Zinpeko aitorpena, ibilgailua salbuespena jaso duena garraiatzeko baino ez dela dioena.
• Minusbaliatuaren eta gidatu ohi duenaren NANen fotokopiak.

Bestelakoak:

• Salbuetsita daude minusbaliatuen izenean matrikulatutako ibilgailuak, pertsona horiek soilik erabiltzekoak direnean. Salbuespen hau zirkunstantzia horiek betetzen diren artean aplikatuko da, pertsona ezinduek gidatutako ibilgailuak izan nahiz horiek garraiatzeko ibilgailuak izan.
• Salbuespena ibilgailu batengatik bakarrik izango zaio aplikagarria subjektu pasiboari.
• Legez 100eko 33ko edo hortik gorako minusbaliotasun maila dutenak izango dira pertsona minusbaliatuak.
• Ibilgailuen titularrak Tolosan erroldatuta egon beharko du.
• Minusbalia dela-eta salbuspenaz baliatzeko eskaerak otsailaren 15era arte egin ahal izango dira. Ondoren egindako eskaerak indarrean jarriko dira eskaera egin eta hurrengo zerga-aldian.
• Zergaldia bat dator urte naturalarekin, salbu ibilgailuak lehen aldiz eskuratzen direnean edo behin betiko baja ematen zaienean.